Tug‘ilgan joyi: Sariosiyo tumani, Surxondaryo viloyati, O‘zbekiston
Fuqaroligi: O‘zbekiston
Ma’lumoti: Oliy
O‘qish joyi: Termiz davlat universiteti, Filologiya fakulteti
Mutaxassisligi: Ingliz tili va teaching (o‘qitish metodikasi)
Faoliyati: Talaba, ingliz tili o‘qituvchisi, yosh ijodkor
Shiori: “Hech bir kuch ota-onaning duosidan kuchli emas.”
Biografiya
Bolalik yillari
Shaxzoda bolaligining katta qismini buvilari bilan o‘tkazgan. U oilasini eng katta tayanchi va motivatsiya manbai deb biladi. Oilasidagi mehr va qo‘llab-quvvatlash, ayniqsa ota-onasining ishonchi, unda mas’uliyat va mustaqillikni shakllantirgan.
Dastlabki ta’lim
Dastlabki ta’limni 2013-yilda Termiz shahridagi 8-umumiy o‘rta ta’lim maktabida olgan. O‘qituvchilari orasida Oltinoy ustoz va Umid ustoz uning hayotida alohida o‘rin tutadi. Oltinoy ustoz — mehribonligi bilan, Umid ustoz esa hazilkashligi va bilimdonligi bilan xotirasida o‘chmas iz qoldirgan.
Ta’lim va faoliyat yo‘li
Hozirda Termiz davlat universitetida ta’lim olmoqda. U bir vaqtning o‘zida ingliz tili fanidan dars beruvchi o‘qituvchi sifatida ham faoliyat yuritadi.
Shaxzoda ingliz tiliga kirib kelishida otasining ta’siri juda katta bo‘lgan. Dadasining: “Til bilsang, dunyoni kezasan” degan so‘zlari uning hayotiy yo‘lini belgilab bergan. Bu yo‘lda u ko‘plab qiyinchiliklarni, uyqusiz tunlarni, muvaffaqiyatsizliklarni boshdan kechirgan, ammo har safar o‘zida yangi kuch topib, yo‘lidan qaytmagan.
Yutuqlari
IELTS 6.5 natijasi (10-sinfda)
Ona tili bo‘yicha 100 foizlik sertifikat sohibasi
Termiz davlat universiteti — 1-grand g‘olibasi
10 dan ortiq ilmiy va publitsistik maqolalar muallifi
Shaxzoda hozircha o‘z loyihasini boshlamagan, biroq yaqin kelajakda ta’lim va til o‘rganish sohasida ijtimoiy loyiha yo‘lga qo‘yishni rejalashtirmoqda. U yoshlar uchun bepul til o‘rganish kurslari tashkil etish niyatida.
Hayotiy burilishlar
10–11-sinflarda u hayotning eng muhim haqiqatlarini anglagan:
“Muvaffaqiyatning otasi ko‘p, mag‘lubiyat esa yetimdir.”
U o‘shanda insonlar faqat g‘alaba paytida yoningda bo‘lishini, ammo chin sadoqat og‘ir kunlarda sinovdan o‘tishini tushungan. Bu tajriba unga kimga ishonish kerakligini, oilaning qadrini va ilm yo‘lida qat’iyat zarurligini o‘rgatgan.
Ilhom manbalari
Shaxzodaning hayotdagi eng katta ustozlari — onasi va otasi.
Onasi unga sabr, iymon va umidni o‘rgatgan:
“Qizim, hech qachon voz kechma va Allohdan umidingni uzma — o‘shandagina orzularingga erishasan.”
U, shuningdek, maktab davridagi ustozlarining hayotiy saboqlarini ham qadrlaydi.
Hayotiy shior va qadriyatlar
“Hech bir kuch ota-ona duosidan kuchli emas.”
Shaxzoda bu so‘zni hayotining eng muhim qadriyati deb biladi. U ota-ona roziligi, sabr, halollik va mehnatni eng yuksak insoniy fazilatlar deb hisoblaydi.
Bo‘sh vaqt va qiziqishlar
Uning bo‘sh vaqti deyarli kam, chunki bir vaqtning o‘zida o‘qiydi ham, ishlaydi ham. Ammo vaqt topganida badiiy adabiyotlar o‘qish, yangi tillarni o‘rganish, madaniyatlarni tadqiq qilishni yaxshi ko‘radi.
Bu mashg‘ulotlar unga fikrni aniq ifoda etish va dunyoqarashini kengaytirishda yordam beradi.
Liderlik falsafasi
“Liderlik — bu qat’iyatlilik.”
Shaxzodaning fikricha, haqiqiy lider — o‘zini hurmat qiladigan, har qanday vaziyatda o‘zini tuta biladigan, bilimli va tafakkurli inson. Bunday shaxs atrofidagilarga bevosita ta’sir ko‘rsatadi.
Sevimli kitobi
U yaqinda “Yashamoq” asarini o‘qib chiqqan va bu asar hayotida katta iz qoldirgan. Asar orqali inson dard ham, baxt ham hayotiy sinovlar ekanini chuqur his qilgan.
Muvaffaqiyat va saboqlar
Eng katta yutug‘i — grand asosida oliy o‘quv yurtiga kirish. Bu orzu unga bolaligidan yo‘ldosh bo‘lgan. U o‘sha daqiqalarni eslar ekan:
“Allohga hamdlar aytib yig‘laganman — bu mening orzularim ushalgan on edi.”
Eng katta saboqlaridan biri — har kimga ishonmaslik va eng sadoqatli do‘st — bu oila ekanini tushunganidir.
Kelajakdagi orzular va maqsadlar
Kelajakda Shaxzoda ko‘plab xorijiy tillarni o‘rganib, turli xalqlarning madaniyatlari bilan tanishishni, dunyo kezishni va xalqaro miqyosda o‘z o‘rnini topishni orzu qiladi. U o‘z faoliyati orqali yoshlarni ilm, mehnat va qat’iyat sari yetaklashni istaydi.
Jamiyatdagi roli
Shaxzoda yoshlar o‘rtasida ilm, o‘qish va izlanish madaniyatini targ‘ib etishni maqsad qilgan.
“Men yoshlarni harakatga, izlanishga va o‘z kuchiga ishonishga chaqiraman.”
U ta’lim va til o‘rganish sohasida Vatan ravnaqiga hissa qo‘shishni xohlaydi.
Yiqilsangiz, turib, changingizni qoqing va yo‘lda davom eting.”
Qiziqarli fakt
Shaxzoda doimo quvnoq, atrofdagilarga ijobiy kayfiyat ulashuvchi inson. Ammo u o‘zini ich-ichidan introvert deb biladi va sotsiofobiyadan biroz aziyat chekadi.
“Hattoki do‘kondan narsa xarid qilishdan ham biroz qo‘rqaman,” — deya kulib eslaydi u.
Bu kamchilikni u hazil bilan qabul qiladi va buni yengish uchun o‘z ustida ishlashni davom ettiradi.
Shuningdek qarang
Termiz davlat universiteti
IELTS va til o‘rganish bo‘yicha yoshlar tashabbuslari
“Ta’lim iftixori” ko‘krak nishoni sohibalari
Manbalar
To‘xtayeva Shaxzoda Omon qizi tomonidan taqdim etilgan shaxsiy ma’lumotlar (2025-yil, oktyabr).
Termiz davlat universiteti talabalari yutuqlari haqidagi ichki ma’lumotlar.
Shaxsiy ijodiy va ilmiy maqolalar asosida tayyorlangan.